上星期四試了頭啖湯，在海洋公園哈囉喂正式開放前，首批入場試玩!
現在回想上星期的種種趣事，真係既興奮又緊張…
我約了朋友一齊前往海洋公園，於金鐘地鐵站B出口轉搭629號巴士直達海洋公園門口，真係好方便。
我們6:00pm 到達，玩到10:45pm 才離開。
最衰第2朝要返工，如果唔係會再玩多幾轉!
6:00pm 拎左入場劵之後，就即刻衝入去玩玩玩…
入場劵整得好有心思，成本護照咁樣，「哈囉喂共和國」護照，哈哈!
今年的手帶係寶藍色，I like it!
今年的哈囉喂鬼屋有8間，我地用有限的時間玩晒8間，哈哈! 正呀!
今日的人唔算太多，不過也唔少，8間鬼屋有2間要排隊...等入去…
其餘6間都好快就可以入到去玩，唔洗點排隊。
係講鬼屋之前，真係要讚一讚海洋公園職員的專業。
個恐怖妝化得一流，就連神態都似鬼似到十足。
我唔屬於細膽之人，但見到佢地的妝同眼神，都有d心寒。
而且佢地好用心，爭取每分每秒黎嚇人，我都俾佢地嚇左幾次，真係大叫左出黎!
沿途見到一d女仔俾鬼嚇到喊，見到佢地喊的同時，我卻覺得好好笑。因此朋友都笑我冷血。哈哈!
讚完鬼樣、鬼妝後，都要講一講海洋公園內的佈置。
而我最like 的是用燈投射在地面上的鬼影…好可愛!
講左咁耐，要講戲玉la…就係要講下鬼屋。
8間鬼屋，我唔逐一介紹啦，費事講晒d野，大家去到咪無晒新鮮感。
不過有2間鬼屋，我就覺得係要必玩!
必玩一﹕3D 惡夢潛行 (恐怖指數﹕5星)
呢個係用3D特效，戴住眼鏡感受陰森恐怖環境，有晒畫面有埋聲，埋身肉博!
哈哈，呢個夠特別又好玩!
必玩二﹕ 亡魂棺廠 (恐怖指數﹕5星)
呢個好玩得黎，要讚一讚入面有個男職員，佢扮鬼扮馬，而且講野十分之好笑，我地全部人都俾佢攪鬼的介紹，引到笑到見牙唔見眼，係入去棺廠被嚇之前，俾佢生鬼的說話中和一下都係一件好事。而最驚係去到最尾要同朋友分開行，最後要自己一個人行最後一程，呢一PART 真係堅驚。
哈哈…我真係一支箭咁跑出去。所以恐怖指數係有5星。
哈哈…我真係一支箭咁跑出去。所以恐怖指數係有5星。
腥級片場 (恐怖指數﹕4星)
清宮殘異錄 (恐怖指數﹕4星)
猛鬼尾班車 (恐怖指數﹕4星)
恐怖創作室 (恐怖指數﹕4星)
喪屍絕地反擊戰 (恐怖指數﹕3星)
紙紥極樂園 (恐怖指數﹕4星)
黎哈囉喂除了俾鬼嚇之外，我重俾其中一個機動遊戲嚇到眼水、口水都出晒黎。
呢個game 就係「翻天覆地」。 (恐怖指數﹕5星++++)
「翻天覆地」真係有如其名，360度反轉再反轉，去到最高點，倒吊你係半空幾秒。
真係驚到眼水、口水條條fing…想尋求刺激，必玩!
除了鬼屋之外，還有一些哈囉喂國慶節目，不過就要就arm 時間先可能睇到!
關於哈囉喂詳情除了可以click 入http://www.halloweenbash.com.hk/tc/
如有智能手機更可以download 「哈囉喂」的app﹕
