大至連鎖式經營的,小至美容院仔我都做過…
真係從來沒有一間這麼這麼差的…
事緣朋友在beecrazy 買了coupon…
後來他說沒有時間去…就轉讓給我…
我見平日做開的facial 都係一些治療性的facial…如laser 及果酸…
我亦想找一間可以做普通facial 的…價錢約200-300左右…
如果做得好...都諗住join 佢地的course...可以隔住做…順道叫可以有得針清…
而又見呢間公司網頁做得唔錯…而且在beecrazy 內有人氣 Blogger的介紹..
睇完好似幾好咁…所以我就答應要了朋友的那張beecrazy coupon…
買的是$ 388可享6次日本毛孔緊緻療程...
就係呢個團購﹕
http://www.beecrazy.hk/deal/%2488-for-1-session-of-poreless-style-japanese-facial-treatment-facial-mask-eye-mask-lip-mask-or-%24388
$88可享 1次日本毛孔緊緻療程 + 1次面膜 + 1次眼膜 + 1次唇膜 或 $ 388可享6次日本毛孔緊緻療程+ 6次面膜 + 6次眼膜 + 6次唇膜 (原價$1210/$7260)
我都知道團購的質素會差少少…所以我都做好心理準備…
不過無諗過會咁差!!!!
為免放工時段人太多……我專登book 放工前的時間…
去到入到房…佢幫我先洗面…
我有化妝…但佢只幫我洗一次…而且係超hea!
而網頁所講的step 7 …七個步驟…
我想講step 1 到step 6…佢用神速5分鐘做完…
我特突望一望錶…真係hea 到無人有…
我無誇張…係5分鐘…
我當時已經諗住呢間野咁差…都會再黎做lu…
不過重頭戲位在step 7…即係fu mask 呢一part…
佢地足足fu 左40mins 先幫我洗…
而且係我行出房門叫佢地幫我洗的…
由於佢地用的mask 係cream 狀的…
所以係fu左20 mins 左右的時候…我已經覺得面上有d乾的感覺…
之後我諗住等多一陣…佢地應該會有人黎幫我洗…就忍一忍吧!
點知愈等愈唔對路…我終於都係忍唔住…
自己行出房門…叫佢地搵人幫我洗…
幫我做facial 個位小姐…態度差…手勢hea…
我用手機映左張相...一睇先見到佢地的mask 搽得有幾薄同幾hea...
忍受完這次facial 後…簽走時…
我也忍唔住問了facess 的職員﹕「請問你地的mask 通常fu 幾耐?」
職員諗左一陣說﹕「通常是30mins」
我說﹕「剛才你們step 1-step 6用了5mins…但fu mask 用了40mins…fu 到乾晒...重要係我叫你地先幫我洗...有無做得咁差丫…我餘下的facial 都唔會黎做啦!」
幫我做facial 個位美容師大聲說﹕「好丫」隨即在我file 上打了個大× ....態度差到....真係火都黎!!!!
以上絕對如實陳述…絕無誇張描述…
我唔知道佢地正價做一次幾多錢…
亦唔知正價做同團購價做的分別有幾大…
不過如果佢地真心想留住d 客,麻煩都交返足少少貨丫…
俾d咁的服務…重會有人join 咩….
我只希望如有姐妹們想join 或再買團購時要諗清楚…
呢間不知所謂的公司﹕
斐斐日本毛穴專店
網頁做得好似好專業…但實際卻不是